Hvernig væri að grilla bara svona lið?

Já mér finnst ekkert að því að bara grilla fólk sem gerir svona hluti, þessi mál virðast ítrekað vera að poppa upp út um allan heim þessar vikurnar...

Fimmtán ár í fangelsi? Hann hlýtur að hlægja að því mann andskotinn..

 Já bara taka svona menn af lífi. Og hana nú. Engin miskunn hér.

 

kv. Villa

Lokaði dóttur sína inni í sex ár

Athugasemdir

[Helgi Hrafn Gunnarsson (IP-tala skráð) 9.9.2008 kl. 15:10]

Veistu, ef refsingar væru hækkaðar í hvert sinn sem almenningur krefst þess, þá væri orðið að dauðasök að stela.

Það er mikið talað um þessi mál nú til dags vegna þess að almenningur hér í vesturlöndum hefur þroskast mikið seinastliðna áratugi, og áttað sig á því að það sé til þrælkun og kúgun án þess að það sé ógnarstjórn. Kynferðisleg misnotkun hefur þótt tiltölulega eðlilegt fyrirbæri í gegnum tíðina, og nú hefur það breyst og er ennþá að breytast. Þess vegna í fyrsta lagi er líklegra að þessi mál uppgötvist, og annars vegar að það sé fjallað um þau í fjölmiðlum þar sem þau þykja enn hræðilegri en mörg önnur mál á fyrri tíðum.

Og mikið skelfilega fer ég að verða þreyttur á því að útskýra fyrir svokölluðum siðmenntuðum Íslendingum hvers vegna dauðarefsing sé ekki góð hugmynd, sama hversu mikið manneskja á það skilið. Hinn siðmenntaði heimur hefur ekki afneitað dauðarefsingu á þeirri forsendu að enginn geri nokkuð nógu slæmt til að eiga dauðann skilið. Reyndar kemur það málinu ekki einu sinni við.

Það þarf ekki að hækka refsingar í hvert sinn sem glæpur er framinn, fjandinn hafi það. SKÍTUR SKEÐUR, svona er lífið. Þetta er þegar bannað, 15 ár er óheyrilega langur tími, þó þú sjáir það kannski ekki vel þegar þú ert ekki í neinni hættu sjálf á því að þurfa að dúsa í búri í 15 ár... hvað í ósköpunum ætti að batna við að taka upp dauðarefsingu? Það er skref aftur á bak, ekki áfram.

Eða skrifaðirðu þetta í hálfkæringi?

[Helgi Hrafn Gunnarsson (IP-tala skráð) 9.9.2008 kl. 15:13]

Gleymdi; að vera á móti dauðarefsingu er ekki spurning um miskunn heldur almenna skynsemi í sambland við lágmarks hugmynd um það hversu bregðult nokkurt lagalegt kerfi verður. Dauðarefsingu má ekki taka upp undir neinum kringumstæðum, ekki vegna þess að dauði sé það versta sem maður geri manneskju, heldur vegna þess að engu lagakerfi (og engum fjölmiðli) er treystandi fyrir slíku valdi. Glæpir eru engu sjaldgæfari í löndum þar sem dauðarefsing er við lýði. Fólki líður engu betur í slíkum löndum. Svona hlutir gerast engu að síður, því miður. Að vera miskunnarlaus og grimmur leysir engan helvítis vanda og hjálpar engum til andskotans neins.

[Vilborg Anna Garðarsdóttir, 9.9.2008 kl. 22:42]

Guð minn almáttugur hvað ég vona að þú finnir frið og ró í hjartanu þínu elsku kallinn minn:) þú virkar alveg ofsalega reiður... ég hef vissulega fullan rétt á minni skoðun á þessu máli og þú líka. fimmtán ár eru ekki langur tími þegar þú hefur eyðilagt ævi annarrar manneskju! einnig myndi ég vilja grilla manninn sem var ákærður fyrir að misnota 1 VIKNA GAMLA dóttur sína, ég skal kveikja upp í grillinu sjálf.

kv. Villa

[Helgi Hrafn Gunnarsson (IP-tala skráð) 11.9.2008 kl. 16:06]

Ég finn frið og ró þegar mér sýnist, elskan. Ég vil ekki finna frið og ró þegar Íslendingar styðja dauðarefsinguna því hún er það versta sem gæti gerst fyrri íslenskt réttarfar.

15 ár verða engu styttri við að maður eyðileggi líf annarrar manneskju.

Ekkert sem ég sagði gaf í skyn að þú hefðir ekki rétt á þinni skoðun og það er fáránlegt að reyna að nota það sem rök fyrir skoðuninni sjálfri. Að sjálfsögðu hefurðu rétt á þinni skoðun, það þýðir ekki að skoðun þín sé einhverju gáfulegri en ella, né að nokkur eigi að sýna þeirri skoðun virðingu sem hún á ekki skilið. Ég var ekki að reyna að þagga niður í þér, ég er bara ósammála, og vitaskuld blóðheitur þegar um mikilvægt málefni er að ræða.

Eins og venjulega enda dauðarefsingasinnar sína röksemdafærslu á tjah, engu. Þú myndir kveikja í grillinu sjálf, ókei, hvernig réttlætir á það að réttlæta dauðarefsingu?

Hvernig myndirðu gera réttarkerfið þannig að það væri alveg nokkurn tíma móðursjúkur dómari og þroskaheftur maður grunaður, sem gæti ekki varið sig, og yrði grillaður saklaus? Eða ætti það einfaldlega ekki að gerast þannig að það þurfi ekkert að pæla í því?

Hvað á að halda þeim sekum lengi á lífi áður en þeir eru grillaðir? Ef þeir eru drepnir strax, þá býðurðu upp á (eða reyndar tryggir) að saklausir menn verði dæmdir, þar sem margoft koma mikilvæg sönnunargögn ekki fram fyrr en löngu eftir glæpinn. Ef þú heldur honum á dauðadeild árum saman þarftu að passa að hann strjúki ekki, fyrir utan að hafa svipt manneskju voninni sjálfri, sem fyrirbæri. Ég ætla ekki að segja að ég viti hvernig það sé að vita daginn sem maður mun deyja og hanga í einangrun allan daginn, en ég þori að fullyrða að það sé lifandi helvíti sem engin manneskja eigi skilið.

Og hvað er að eyðileggja líf manneskju, annars? Að nauðga henni, til dæmis? Við þyrftum stanslaust að halda aftur af hefndarþyrstu liði sem vill alltaf kála öllum fyrir allt. Þetta yrði eins og í Bandaríkjunum, gjörsamlega þroskaheft og á köflum siðlausara en glæpirnir sem þessir apakettir þykjast vera að berjast gegn.

Þetta er bara eins og að höggva hendurnar af þjófum í Sádi-Arabíu og að pynta menn til að viðurkenna ákveðna trú; frumstætt, siðlaust og ómögulegt að setja inn í nokkurt lagakerfi án þess að búa til heilan helling af nýjum, vonlausum vandamálum.

Ég skal öðlast þennan frið og þessa ró sem þú nýtur svona vel, þegar þú hefur skipt um skoðun, því það skiptir máli að þetta sé á hreinu. Dauðarefsing er sama villimennska og pyntingar og varanlegar líkamsmeiðingar sem refsing.